Deputeti Gazment Bardhi e ka konsideruar një arsye banale atë të dhënë nga Gjykata Kushtetuese lidhur me rrëzimin e kërkesës së PD, e cila kishte ankimuar vendimin e Kuvendit për mos ngritjen e Komisionit Hetimor Parlamentar për çështjen Becchetti.
“Banaliteti me të cilin Gjykata Kushtetuese ka penguar ngritjen e Komisionit Hetimor për dëmin prej më shumë se 110 milion euro ndaj shtetit shqiptar, shkaktuar nga Edi Rama dhe qeveria e tij, provon edhe njëherë se kjo çështje ka nevojë urgjente që të hetohet!”, shkruan Bardhi në rrjetet sociale.
Sipas tij, asnjë arsye banale dhe jo kushtetuese nuk duhet të pengojë opozitën ti shkojë deri në fund kësaj çështje.
“Keqardhje që GJK e reformuar po “reformon” vetveten në dëm të interesit publik, duke u bërë mburojë e korrupsionit dhe paligjshmërisë qeveritare”, thekson deputeti.
