Një 55-vjeçar humbi sot jetën duke u mbytur në lumë. Viktima është Fran Bardhi, nga fshati Ndër-Fan Mirditë.
Mësohet se 55-vjeçari është rrëzuar teksa punonte në anë të lumit Fan. Atë e ka marrë rrjedha e lumit.
Ishin familjarët që denoncuan rastin në policinë e Mirditës.
Familjarët e viktimës pretendojnë se forcat policore nuk kanë ndërhyrë në kohë për shpëtimin e Franit.
Nga ana tjetër policia ka bërë me dije se kërkimet për 55-vjeçarin nisën sapo u njoftuan nga familjarët.
Policia raportoi se kërkoi ndihmën e RENEA-s për këtë aksion shpëtimi.
