Akademia e Arteve dhe Shkencave të Filmit ka publikuar një deklaratë për shuplakën e Will Smith ndaj Chris Rock që i gjeti të gjithë të papërgatitur. Smith u ngjit në skenë dhe goditi Rock pasi komediani bëri një shaka me Jada Pinkett Smith ndërsa prezantonte fituesin në kategorinë e dokumentarëve.
Pas skenës tronditse, Will Smith u nderua me “Oscar” në kategorinë për “Aktorin më të mirë” për interpretimin e tij në filmin “King Richard” dhe kërkoi falje me sy të përlotur gjatë fjalimit të pranimit të çmimit. Ndërkohë nuk ka ende një reagim nga Rock.
Në një deklaratë zyrtare nga organizatorët shkruhet: “Akademia nuk e pranon dhunën në asnjë formë. Sonte ne jemi të kënaqur të festojmë fituesit tanë të 94-të të çmimeve Oscar, të cilët meritojnë këtë moment njohjeje nga kolegët e tyre dhe dashamirësit e filmit në mbarë botën.”
The Academy does not condone violence of any form.
Tonight we are delighted to celebrate our 94th Academy Awards winners, who deserve this moment of recognition from their peers and movie lovers around the world.
— The Academy (@TheAcademy) March 28, 2022
