IKMT zhvilluar një aksion në Radhimë këtë të Hënë, për shembjen e objekteve pa leje.
Të shoqëruar nga forca të shumta policie, IKMT ka kryer ndërhyrje në një lokal dhe një hotel tre katësh në Rradhimë.
Sipas IKMT, ndërhyrja është bërë për objekte të cilat nuk janë klasifikuar nga procesi i legalizimit. Ndërkohë, ndërhyrja është kundërshtuar nga pronarë të hotelit. Për këta të fundit, janë ende në proces legalizimi dhe në proces gjyqësor me IKMT.
Ndërkohë hoteli është dhënë prej Dhjetorit me qira ndaj një shtetasje italiane, ndërsa ngrenë pretendimin se janë lajmëruar vetëm pak ditë më parë dhe pikërisht të premten.
Shtetasit italianë që kanë investuar kanë deklaruar se këtë çështje, do ta ndjekin deri në fund duke e cilësuar të padrejtë ndërhyrjen e IKMT.
