Një ushtar rus është dorëzuar së bashku me një tank në këmbim të 10 mijë dollarëve dhe marrjen e nënshtetësisë ukrainase.
Ushtari i quajtur Misha, u lut që të ndryshonte anën pasi kolegët ushtarakë ia mbathën dhe komandanti i tij e kërcënoi se do ta qëllonte.
Viktor Andrusiv, një këshilltar i kreut të ministrisë së brendshme të Ukrainës , pohoi se Misha kishte frikë të kthehej në shtëpi.Andrusiv tha se “disa ditë më parë Misha na telefonoi. Ne ia kaluam informacionin inteligjencës ushtarake. Ata shënuan vendin dhe ai mbërriti. Droni kontrolloi që ai ishte vetëm.”
Ushtari do të marrë shpërblimin e parave në fund të luftës. Atij iu dha gjithashtu akses në një televizor, telefon, kuzhinë dhe dush.
Autoritetet ukrainase kanë identifikuar telefonat e trupave ruse dhe kanë dërguar rregullisht mesazhe se si ata të dorëzohen.
