Kaskada e Drinit, prodhuesi kryesor i energjisë në vend, është pothuajse e tharë. Pavarësisht mbylljes së portave dhe ndalimit të prodhimit të energjisë, pamjet e mëposhtme, tregojnë se kaskada ndodhet në pikën e vdekjes, ndoshta situata më e rëndë e krijuar prej vitit 2001.
Kryeministri Edi Rama paralajmëronte në nëntor të 2021 se vendi do të përballej me një krizë energjitike, për shkak se do të ishte shumë e vështirë të sigurohej në tregun ndërkombëtar sasia e nevojshme.
Por ajo që thuhet nga ekspertët është se kriza ka lidhje me keqmenaxhimin e rezervave ujore. Megjithëse 2021 konsiderohej si një nga vitet me sasinë më të madhe të reshjeve, sot Shqipëria importon pothuajse të gjithë sasinë e energjisë që konsumohet. Për qeverinë 2021 ka qenë një vit jo i mirë pasi reshjet kanë munguar për një kohë të gjatë, ndërsa po ti referohesh shifrave të prodhimit të energjisë rezulton se përgjatë 2021 janë prodhuar 8.9 mld kwh nga 5.3 mld që konsumohen.
Kjo është fotografi e sotme e bërë nga gazetari Gjergj Marku.
