Ish-kryeministri i vendit Berisha u ka bërë thirrje qytetarëve shqiptarë që të marrin pjesë në protestën kundër qeverisë më 18 shkurt të frymëzuar nga protestat e mëdha qytetare në Rumani.
Përmes një mesazhi të publikuar në rrjetet sociale, Sali Berisha shkruan: “Nderim rumunëve guximtarë! Në tre dite e net protestë, “palosën” qeveritarët hajdutë socialistë. Frymëzim për shqiptarët!”
Mesazhi i Berishës vjen në një kohë kur PD-ja ka bërë thirrje për një manifestim kundër qeverisë më 18 shkurt, në Tiranë me moton: “kundër padrejtësive dhe varfërisë, shtypjes qeveritare, kundër drogës dhe krimit e kriminelëve në politikë dhe sidomos, në mbrojtje të votës së lirë në zgjedhje”.
