Dyzetë e katër persona janë plagosur rëndë nga sulmet ajrore ruse në qytetin verior të Ukrainës, Chernihiv, tha kryebashkiaku i qytetit Vladyslav Atroshenko, duke përfshirë tre fëmijë.
Aljazeera shkruan se të lënduarit nuk mund të evakuoheshin në zona më të sigurta për trajtim urgjent pasi qyteti ishte ndërprerë nga forcat ruse.
“Ata nuk mund të mbijetojnë këtu për shkak të ashpërsisë së plagëve të tyre, ata kanë nevojë për evakuim urgjent,” tha ai.
Autoritetet në kryeqytetin e Ukrainës Kiev thanë se shpresonin të bien dakord për një korridor humanitar për të shtunën, por paralajmëruan se negociatat me Rusinë ishin të vështira.
