Komisioni i Rithemelimit do të zhvillojë mbrëmjen e sotme një mbledhje në selinë e Partisë Demokratike. Në këtë mbledhje pas njohjes nga gjykata të Kuvendit të 11 dhjetorit, do të jetë i pranishëm edhe lideri historik i PD, Sali Berisha i cili sapo ka mbërritur në seli.
Siç shihet më pamjet e siguruara në selinë blu kanë mbërritur edhe anëtarët e Komisionit të Rithemelimit, Albana Vokshi, Gent Stazimiri, Edi Paloka, Klevis Balliu, Mimoza Hajdarmataj.
Ish-Kryeministri Sali Berisha u prit me ovacione nga dhjetra simpatizantë dhe mbështetës të PD, të cilët nuk kanë kursyer as trëndafilat blu dhe të bardhë.
Më herët gjatë ditës së sotme, Sali Berisha së bashku me disa përfaqësues nga Komisioni i Rithemelimit, u takuan me kryetarin e komanduar të PD-së, Enkelejd Alibeajn dhe Sekretarin e Përgjithshëm Gazmend Bardhi.
Më pas, në një konferencë për mediat, Berisha deklaroi se gjatë bisedimeve u shtrua çështja e bashkimit të demokratëve me anë të votës së lirë.
