Dollari amerikan dhe monedha europiane humbën pikë këtë të premte në raport me Lekun. Paundi britanik gjithashtu është zhvlerësuar.
Në tregun e këmbimit valutor vendas, të premten, monedha e gjelbër amerikane këmbehet me 111.5 lekë ose 0.42 lekë më pak se një ditë më parë. Euro është nënçmuar lehtë me 0.28 lekë dhe këmbehet me 122.20 lekë.
Ndërsa paundi britanik humbi terren duke u dobësuar me 0.71 lekë dhe këmbehet me 146.30 lekë.
Franga zvicerane këmbehet me 119.81 lekë ose 0.21 lekë më shumë se një ditë më parë.
