Një 31-vjeçar shqiptar, i cili ishte arratisur nga spitali i Rodosit në Greqi, ku po trajtohej, është arrestuar pasditen e së enjtes.
Shqiptari ndodhej i shtruar në spital për të marrë trajtim mjekësor, pasi kishte rezultuar pozitiv me Covid-19. I riu shqiptar, ishte në kërkim prej disa ditësh, por qarkullonte nëpër ambientet e spitalit.
Nga e hëna e kaluar policia e Rodosit kishte shpallur në kërkim shqiptarin me iniciale A.B, 31-vjeç.
31-vjeçari shqiptar u transferua nga burgu i Chanias në Rodos dhe pritej që të gjykohej ditën e premte, por u shtrua në spital, pas infektimit me koronavirus.
I riu shqiptar është arrestuar për disa raste vjedhjesh dhe tentativa grabitjesh.
Në të kaluarën 31-vjeçari ka përdorur emra të ndryshëm, ndërsa ka ndryshuar edhe moshën e tij.
