Partia Socialiste rrëzon rezolutën e propozuar nga Partia Demokratike për çmimet. Rezoluta e propozuar nga demokratët, mori 74 vota kundër në Kuvend, 27 vota pro dhe asnjë abstenim.
Seanca e sotme plenare u mbajt në kuadër të mocionit të ngritur nga Partia Demokratike për debat lidhur me rritjen e çmimeve në vend.
Rezoluta parashikonte miratimin e një strategjie për përballimin e rritjes së çmimeve nga qytetarët shqiptarë.
Në rezolutë kërkohej heqja e taksës së qarkullimit, ndërsa kërkonte që Autoriteti i Konkurecës të raportonte lidhur me situatën.
