Ish-Kryeministri Sali Berisha akuzoi Qeverinë se po manipulohen statitistkat. Berisha paralajmëroi se INSTAT po shkatërrohet, ndërsa shifrat e tij po manipulohen nga Agjensia e Mashtrimit qeveritar.
“Hiqni dorë nga manipulimi i statistikave, pasi do na detyrohemi ti drejtohemi Parlamentit Europian, për të ndërprerë çdo komunikim dhe të mos marrë për bazë shifrat e manipuluara nga Qeveria”, tha Berisha.
Berisha iu referua një urdhëri të Edi Ramës që detyronte INSTAT që të përpunonte të dhënat, Berisha e cilësoi këtë si një skandal.
Ish-Kryeministri tha se kjo është një shkelje flagrante, kërcënim të madh të INSTAT në raport me Eurostat.
“Europa i merr statitiskat që prodhohen në Shqipëri nga INSTAT, duke menduar se nuk varet nga Qeveria”, tha Berisha. Sipas tij, INSTAT pa marrë asnjë udhëzim nga Parlamenti, ka përpunuar të dhënat që jep Qeveria, duke mashtruar opinionin publik dhe më gjerë, me shifrat që diktohen nga agjensia e mashtrimit të Edi Ramës.
Berisha tha se INSTAT po kthehet në një vegël të Qeverisë duke manipuluar të vërtetat. “Çfarë po ndodh sot, inflacioni është mbi 20 %, ndërkohë që INSTAT e deklaron aq sa thotë Qeveria 7 %. Çfarë është kjo? Keni kapur edhe INSTAT, ndërkohë që është një institucion që varet nga Parlamenti”, tha Berisha.
“Mjeroni qytetarët me gënjeshtrat tuaja. Një inflacion që është mbi 20% shpallet 7%. Si kompensim marrim inspektimin e çmimeve nga ministra të pashpirt. Nuk ka nevojë të shkosh në dyqan për të mësuar sa janë çmimet. Zotëri çështja e çmimeve ka kompensime. Po ju kujtoj një moment në vitin 1992 , kur bukës iu rrit çmimi me 10 herë, por ne kompensuam çmimin po aq herë sa ishte rritur. Kaq shumë keni futur duart dhe keni krijuar monopole saqë tani po ju përpijnë. Qytetarët e kanë shumë të artë se rritja e çmimeve është qeveritare.
Nuk shpëtoni dot duke u bërë si personazhet e gogolit. Hiqni vjedhjet, kini mëshirë për qytetarët shqiptarë, mos luani me statistikat. Jam këtu për të denoncuar me forcën më të madhe shkatërrimin që i bëtë INSTAT. Kërkoj urgjentisht ndërprerjen e bashkëpunimit me INSTAT përndryshe do detyrohemi të drejtohemi në Parlamentin Europian dhe instancat e tjera që askush të mos besojë të dhënat që i publikoni”, shtoi Berisha.
