Një fëmijë është plagosur në një aksident rrugor në Tiranë.
Policia bën me dije këtë të Enjte se vajza 4-vjeçe është përplasur nga një automjet.
E mitura është transportuar në spital, ndërsa drejtuesi i automjetit B.M., 47 vjeç, është arrestuar për veprën penale “Shkelja e rregullave të qarkullimit rrugor”.
“Specialistët e Qarkullimit Rrugor bënë arrestimin në flagrancë të shtetasit B.M., 47 vjeç, për veprën penale ‘Shkelja e rregullave të qarkullimit rrugor’, pasi duke drejtuar mjetin e tij, ka aksidentuar një të mitur 4-vjeçare, e cila ndodhet në spital, nën kujdesin e mjekëve. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale”, njoftoi policia.
