Deputeti demokrat Arbi Agalliu i bëri thirrje prokurorisë të hetojë lidhur me tokën që kompania ku Gazmend Paja është aksioner, ka përfituar për ndërtimin e një resorti në bregdetin e jugut.
Në një prononcim për gazetarët këtë të Enjte jashtë ambienteve të Kuvendit, Agalliu u shpreh se aktori njihet “si militant i PS-së”.
Ai kërkoi nga prokuroria të nisë një hetim për rastin, për të verifikuar nëse kemi të bëjmë me një procedurë korruptive. Deputeti ngriti dyshime se mund të kemi të bëjmë me një investim ku mund të pastrohen para.
