Një video që tregon fëmijë të vegjël, adoleshentë dhe të moshuar që gërmojnë plazhin e Odesës dhe mbushin thasët me rërë të cilat transportohen në çdo pjesë të qytetit ku përdoren për postblloqe për të parandaluar përpjekjet e rusëve për të hyrë në qytet, është bërë virale në të gjithë botën.
Videoja në sfond ka tingujt i këngës së Bon Jovit ‘It’s my life’ (Është jeta ime), i cili luhet në bateri nga një i ri ukrainas.
Zgjedhja e kësaj këngë nuk është e rastësishme pasi teksti i këngës i përshtatet situatës më të cilën po përballen ukrainasit. Në tekstin e këngës ‘It’s my life’ , Bon Jovi shprehet se jeta duhet jetuar në maksimun Më konkretisht, ai merr guxim nga njerëz si Frank Sinatra, i cili këmbënguli t’i bënte gjërat sipas mënyrës së tij.
Një pjesë e tekstit të këngës ‘It’s my life’:
‘Kjo nuk është një këngë për zemërthyerit, jo një lutje në heshtje për besimtaret e larguar, unë nuk do jem thjesht një njeri në grumbull
ju do të dëgjoni zërin tim, kur të bërtasë, është jeta ime, tani ose asnjëherë, unë nuk do jetoj përgjithmone, unë dua vetëm të jetoj ndërsa jam gjallë’.
This is for the ones who stood their ground…
Odessa, Ukraine. #SlavaUkraini 🇺🇦 pic.twitter.com/N9iT2EoeH7— Bon Jovi (@BonJovi) March 22, 2022
