Një raketë balistike e lëshuar nga Koreja e Veriut të enjten dyshohet se ra jashtë zonës ekskluzive ekonomike të Japonisë në Detin e Japonisë, njoftoi kanali televiziv japonez NHK.
Më herët, roja bregdetare japoneze raportoi lëshimin e raketës dhe paralajmëroi anijet e peshkimit për rrezikun e mundshëm.
Ushtria e Koresë së Jugut raportoi gjithashtu lëshimin e një predhe.
”Raketa fluturoi në drejtim të Detit Lindor, i njohur gjithashtu si Deti i Japonisë”, deklaroi Shtabi i Përgjithshëm i ushtrisë së Koresë së Jugut.
Zëvendësministri i Mbrojtjes i Japonisë, Makoto Oniki theksoi se ”raketa arriti një lartësi deri në 6 000 kilometra pasi u lëshua në det”.
Sipas raportimeve, raketa mund të ketë qenë një lloji të ri ICBM.
