Deputeti i PD-së, Tomorr Alizoti, u shpreh mbrëmjen e sotme, se demokratët duhet të bashkohen dhe të lenë mënjanë grupimet.
Gjatë një deklarate për mediat, Alizoti ka bërë publike 3 aktet që duhet të ndërrë PD-ja për t’i hapur rrugë bashkimit.
“Duhet të shikojmë përpara për tu bashkuar, jo me fjalë por me 3 akte politike. Së pari, shfuqizimi i përjashtimit të demokratëve, së dyti heqja e blindimit të selisë, së treti të ketë një garë sa më shpejt për kryetarin e ri dhe të fitojë më i forti.
Ky është një proces që të bëhet sa më shpejt, demokratë të lënë grupimet por të afrohen me njëri-tjetrin. Unë jam për një kandidat me të ardhme por janë demokratët ata që duhet të zgjedhin kryetarin e ri”, u shpreh Alizoti.
