Edhe rrethi i Dibrës nuk i ka shpëtuar prekjes nga gripi i shpendëve.
Rastet e para janë shfaqur në fshatin Rreth Kalë në njësinë administrative të Muhurrit në Dibër.
Banorët kanë thënë se deri tani, në këtë fshat kanë ngordhur rreth 200 pula.
Sipas banorëve, pulat kanë ngordhur në mënyrë të menjëhershme. Ka dyshime se shpendët janë prekur nga gripi i pulave.
Për të vëzhguar situatën nga afër, në terren kanë shkuar edhe inspektorë të AKU-së së Dibrës.
