Një aksident i rëndë ndodhi pasditen e sotme në rrugën e varrezave në Kuçovë, ku dy gra të moshuara u përplasën nga një automjet.
Të plagosura rëndë mbetën File Ahmeti, 74 vjeçe, dhe Leme Mara, 72 vjeçe.
Kjo e fundit për shkak të gjendjes së rënduar u transportua me urgjencë drejt spitalit të Traumës në Tiranë, por ndërroi jetë në duart e mjekëve.
Drejtuesi i automjetit që ka shkaktuar aksidentin është larguar nga vendi i ngjarjes dhe ende nuk është bërë identifikimi i tij.
Njoftimi i Policisë
Sot rreth orës 18:45, në rrugën e varrezave, Kuçovë, një shtetas ende i paidentifikuar duke drejtuar një motomjet motor, ka aksidentuar shtetaset F.A., 74 vjeçe dhe L.M., 72 vjeçe, të cilat po marrin mjekim në Spitalin Rajonal Berat.
Drejtuesi motomjetit pas aksidentit është larguar nga vendingjarjes, shërbimet e qarkullimit rrugor në bashkëpunim me shërbimet e Komisariatit Policisë Kuçovë, po punonjë për identifikimin dhe kapjen e drejtuesit të motomjetit.
Grupi hetimor po punon për zbardhjen e rrethanave të aksidentit.
