Një grabitje me armë ka ndodhur gjatë natës në periferi të kryeqytetit. Ngjarja ka ndodhur rreth orës 01:38, në Ibë, tek një karburant, ku dy persona të dyshuar të armatosur, kanë marrë shumën monetare prej 25.000 lekësh të reja.
Po kështu grabitësit kanë marrë disa paketa dhe telefonat e punonjësve dhe më pas janë larguar me një automjet. Policia e njoftuar për ngjarjen ka shkuar në vend dhe ka marrë në pyetje punonjësit e karburantit si dhe ka kryer veprimet hetimore e procedurale për zbulimin e autorëve dhe kapjen e tyre.
