Ylli botëror, Britney Spears prej 6 vitesh nuk ka sjellë muzikë të re por tanimë po punon për t’u rikthyer fuqishëm. The Sun raporton se ylli i muzikës po punon me disa ish-bashkëpunëtorë të saj për projektet e reja. Ndër ta është dhe Claude Kelly, i cili ka shkruar këngë hit për Jason Derulo, Miley Cyrus dhe Jessie J.
“Ajo ka kaluar vite të vështira por thellë brenda vetes, i pëlqen që të bëjë muzikë. Muzika e re mund ta ndihmojë me të vërtetë që të kthejë një faqe të re.“, tha një burim për The Sun.
“Disa njerëz me të cilët ajo ndihet rehat për të punuar janë kontaktuar dhe pyetur nëse do të dëshironin të punonin sërish me Britney-n dhe të gjithë duken shumë të etur për t’u përfshirë.”, shtoi burimi.
Këngëtarja mund të sjellë një album të ri së shpejti, megjithëse burimi tha se është ende herët për të folur për këtë.
