Ish-deputeti Mark Marku, gjatë një debati në emisionin Opinion, ka humbur qetësinë ndërsa u shpreh se u largua nga PD pasi ishte një situatë mut dhe të gjithë do hanin mut.
Gjatë debatit me Çlirim Gjatën, anëtarin e Komisionit të Rithemelimit, Marku tha se e gjithë lufta në PD nuk u bë për platforma apo principe, por për Sali Berishën.
“Berisha duhet të mbajë përgjegjësitë, pasi gjithë kjo luftë u bë për Berishën”, tha Marku.
Në ndërhyrjen e tij, Gjata tha se këtu po ia fut kot. “Si je bërë dy herë deputet ti? Dil votoju pa siglën e PD dhe të shikojmë sa vota merr, se ai 6 marsi e ndau dhe këta që bërtasin sot janë ato që mbronin Bashën po aq vota kanë sa në Vorë”, tha Gjata.
“Unë po ia fus kot? Ti u bëre kundër Bashës se nuk të vuri kandidat për deputet. Unë ika që në Kuvendin e PD, pasi situata ishte mut dhe ju thashë do hani mut”, u shpreh Mark Marku.
Debati
Mark Marku: Mos flasim për nder se pastaj di unë si flas.
Çlirim Gjata: Është shumë e pandershme kjo.
Mark Marku: Di unë si flas, di unë si ju kthehem pastaj për punë nderesh. Lem të flas tani se nuk më ndërpret njeri fjalën. Për punë nderesh di unë si flas.
Çlirim Gjata: Kjo që po bën është e pandershme.
Mark Marku: Është e pandershme? I pandershëm je ti. Je bërë kundërshtar me Lulzim Bashën vetëm se s’të bëri deputet o zotëri. Dhe kjo është e pandershme. Jo imja që u bëra dhe thashë kështu si jeni ju jeni një m*t dhe hajt mirë u pafshim edhe hani m*tin tuaj.
Çlirim Gjata: Të të vijë turp për këto fjalë, je dhe intelektual ti, ti je banal.
Mark Marku: Të keni turp. Ju jeni banal.
Oerd Bylykbashi: Me ato terma duhet të bësh kujdes kur flet Mark.
