Giorgio Chiellini dhe Leonardo Bonucci ndodhen në vitet e fundit të karrierës, dyshja e famshme nuk jep shumë garanci në prapavijë dhe drejtuesit e Juventusit po studiojnë alternativa të ndryshme për repartin e mbrojtjes.
Një nga lojtarët që pëlqehet shumë nga bardhezinjtë dhe që shihet si kolegu perfekt i Matthijs De Ligt, është Ronald Araujo. 23-vjeçari uruguaian (7 ndeshje me kombëtaren latine) po paraqitet shumë mirë me Barcelonës, teksa shënoi një nga golat në suksesin 0-4 kundër Real Madrid.
Mediet spanjolle raportojnë se “Zonja” po monitoron me kujdes situatën e Araujos, i cili mund të luajë edhe si mbrojtës i djathtë. Klubi italian po përgatit një propozim zyrtar për Barcelonën.
Araujo vlerësohet 40-50 milionë euro, dhe vështirë që Barcelona të heqë dorë nga shërbimet e tij. Xavi e vlerëson shumë dhe po e aktivizon si titullar, por te Juventusi nuk dorëzohen dhe po formulojnë ofertën e parë.
