Një plagosje me thikë ka ndodhur në orët e para të mëngjesit në lagjen “Dëshmorët e Kombit” në Berat. Pas një konflikti në familje, motivet e të cilit nuk dihen ende, 66-vjeçari Ramo Sheroku ka goditur disa herë me thikë djalin e tij 32-vjeç Andrea Sheroku, duke i shkaktuar plagë të shumta në trup.
I plagosuri është transportuar me ambulancë fillimisht në Repartin e Urgjencës në Spitalin Rajonal të Beratit, ku i është nënshtruar një ndërhyrjeje kirurgjikale në Repartin e Kirurgjisë.
Mjekët e Spitalit të Beratit konfirmojnë se 32-vjeçari kishte marrë goditje në pjesën e kraharorit, afër mushkërive dhe për shkak të gjendjes së tij të rënduar kanë vendosur transportimin drejt Spitalit të Traumës në Tiranë.
Babai i djalit është arrestuar nga policia për veprën penale “Plagosje e rëndë me dashje”. Dëshmia e tij pritet të zbardhë detajet e kësaj ngjarje.
