Deputeti demokrat Kastriot Islami është gjendur në sulmin e kritikave drejtuar ndaj ti për shkak të një fotoje aspak etike të publikuar nga ai, pas vdekjes së shkrimtarit të njohur Dritëro Agollit.
Islami publikoi një foto me shkrimtarin kur ai ishte në spital dy ditë përpara se të vdiste, por gjendja e tij ishte përkeqësuar shumë.
Në një mesazh sqarues në profilin e tij në ‘Facebook’, Islami thotë se çdo gjë është manipulim nga mediat dhe e vërteta është krejt ndryshe.
“Mashtruesit e medias mjerane kanë filluar të manipulojnë dhe opinionin në rrjetet sociale. Gjatë kësaj jave e kam vizituar 2 herë Agollin në spital. Unë kam qenë pardje dhe e kam parë shkrimtarin në gjendje të përmirësuar dhe i thashë se u gëzova pa masë që ishte mirë, ndërkohë që ai filloi duke më thënë ‘unë jam optimist dhe do të jetoj gjatë’. Unë i thashë se ‘me të vërtetë zemra tënde është e fortë dhe do jetosh padyshim gjatë se je me të vërtetë optimist’.
Dhe kjo më gëzoi pa masë. Ky ishte momenti i fotos që u ndjeva shumë i gëzuar nga përmirësimi i gjendjes që e kisha parë dy ditë më parë. Prandaj sot u shqetësova shumë kur mora vesh lajmin e hidhur. Gjithaçka tjetër është manipulim i mjerove të medias”, shkruan deputeti Kastriot Islami.
