Izraeli po bën të gjitha përpjekjet që të ndërmjetësojë në zgjidhjen e konfliktit ndërmjet Rusisë dhe Ukrainës.
Presidenti ukrainas Volodymyr Zelensky ka thënë se Izraeli potencialisht mund të jetë vendi, për bisedime të paqes në të ardhmen.
“Kryeministri izraelit, Bennet po përpiqet që të gjejë një mënyrë që të zhvillohen bisedime të nivelit të lartë mes Moskës e Kievit”, deklaroi Zelensky në video-konferencë.
Zelensky tha se është mirënjohës ndaj Izraelit, duke thënë se herët a vonë, Jeruzalemi mund të jetë vendi ku mund të kryhen edhe bisedime të paqes.
Komentet e Zelenskyt erdhën, teksa ai iu dretua parlamentit izraelit me anë të një video-konference.
