Deputetja Albana Vokshi i kërkon Kryeparlamentares Lindita Nikolla që të përfshjë në rend të ditës në seancën e ardhshme parlaentare, interpelancën me ministren e Energjitikës, Belinda Balluku, për shembjet e banesave në zonën e 5 Majit, Unazën e Laprakës, Paskuqan etj.
Vokshi shkruan se me datën 23 shkurt, së bashku me deputetin Flamur Noka kanë dorezuar kërkesë për interpelancë me Belinda Ballukun, ministre e Infrastrukturës dhe Energjetikës, në lidhje me shembjet e shtëpive te 5 maji, te Unaza e Laprakës, Paskuqan etj.
“Partia Demokratike e Shqiperise – Komisioni i Rithemelimit e konsideron shembjen e shtëpive krim shtetëror, një veprim i dhunshëm antikushtetues e antilogjor e për të cilin shkaktarët duhet të shkojnë para drejtësisë.
Neni 80 i Kushtetutës përcakton:
“Kryeministri dhe çdo anëtar tjetër i Këshillit të Ministrave është i detyruar t’u përgjigjet interpelancave dhe pyetjeve të deputetëve brenda tri javëve””, shkruan Vokshi.
Ajo thekson se nga data e dorëzimit të kërkesës kanë kaluar më shumë se 3 javë, e jo vetëm nuk është futur në rendin e ditës të asnjërës prej seancave por ne nuk kemi asnjë informacion e nuk na jepet asnjë informacion pavarësisht kërkesave të vazhdueshme.
“Cila është arësyeja që shkelet kushtetuta??
Cila është arësyeja që shkelet ligji dhe Konventat Ndërkombëtare?
Në bazë të Kushtetutës:
Neni 76
“Kryetari kryeson debatin, drejton punimet, siguron respektimin e të drejtave të Kuvendit dhe të anëtarëve të tij, si dhe përfaqëson Kuvendin në marrëdhëniet me të tjerët.”
Pra, Kryetari i Kuvendit duhet #URGJENTISHT të fusë në rend të ditës #Interpelancën me Ministren Balluku e të sigurojë të drejtat e Kuvendit dhe anëtarëve të tij”, shkruan Vokshi.
