Prej ditësh Policia e drejtuar nga Gledis Nano është vendosur përballë qytetarëve që protestojnë kundër rritjes së çmimeve dhe mungesës së planeve dhe masave nga Qeveria për ti ndihmuar ato.
E ndërsa dje u zhvillua protesta e dytë kombëtare, policia ka përdorur dhunën ndaj protestuesve, edhe pse nga rritja e çmimeve preken edhe këta punonjës të shtetit, dhe familjet e tyre, pavarësisht rrobës që mbajnë veshur.
Foto e mëposhtme, e publikuar në rrjet nga Alternativa Civile, tregon dy punonjës policie, që mbajnë në duar qese me byrek me dhallë. Ata janë në shërbim dhe i duhet të ruajnë ndërtesën e Kryeministrisë nga qytetarët paqësorë, të cilët edhe kur janë dhunuar nuk ia kanë kthyer me të njëjtën monedhë dhunuesve të tyre.
“Policë me një byrek dhe një shishe dhallë në qese po shkojnë të ruajnë ndërtesën e qeverisë nga protestuesit, që protestojnë për çmimet e larta.
Një popull që ka barkun bosh nuk proteston kurrë për standarde demokracie
Për liri dhe të drejta.
Për zgjedhje të lira
……..
Një popull i uritur proteston vetëm për bukë, vaj dhe kripë”, thuhet në postimin që shoqëron foton.
