Policia e Shtetit u detyrua të dalë në një deklaratë për shtyp pas ndërhyrjes brutale ndaj protestuesve për t’i detyruar ata të largohen dhe t’i jepnin fund protestës.
Zv/drejtori i DVP Tiranë, Luigj Vathi, në një komunikim të shkurtër u tha gazetarëve se nuk ndërhyn për të ndalur protestën, por për të hapur rrugën.
Ndërkohë ai nxorri edhe një detaj. Tha se policia i kishte njoftuar protestuesit se do të mund të qëndronin në rrugë deri në orën 17:00, ndonëse me vendim të Gjykatës Kushtetuese policia vetëm njoftohet dhe nuk mund të vendos orën se sa do të zgjas protesta.
“Ne thjeshtë kemi liruar rrugën për qytetarët dhe mbarëvajtjen e automjeteve të transportit publik. Çdo qytetarë ka të drejtë të protestojë por pa cënuar të drejtat e qytetarëve të Tiranës. Ua kemi kthyer me shkrim që protesta do jetë deri në orën 17:00 dhe ata po qëndrojnë në trotuar.
Nuk diskutojmë ligjshmërinë e protestës, por ne thjeshtë kemi bërë lirimin e rrugës”, tha Vathi.
