Ilir Bejtja, zv.ministër i Energjitikës, u shpreh mbrëmjen e sotme në emisionin “Zonë e Lirë” se janë akorduar 270 mln euro për blerjen e energjisë elektrike deri në fund të vitit.
Bejtja tha se një pjesë e këtij fondi sigurohet pikërisht nga taksat mbi karburantet që mblidhen nga Qeveria.
“Nëse hiqen këto taksa, atëherë ku do të mblidhen lekët për blerjen e energjisë? Nëse heqim këto taksa, sikundër kërkohet nga protestuesit, atëherë do të rritet çmimi i energjisë”, tha Bejtja.
Ai pohoi se kuota në Fierzë është 261 metra, një nga nivelet më negative të viteve të fundit. “Ky ka qenë një vit i thatë, nuk ka pasur reshje, ndërkohë që vijojnë temperaturat e ulëta”, tha Bejtja.
