Arben Ristani, anëtar i Komisionit të Rithemelimit, e ka konsideruar si një shqyrtim rutinë dhe normal, nga Gjykata e Tiranës të kërkesës së Lulzim Bashës për regjistrimin e ndryshimeve statutore të miratuara në Kuvendin Kombëtar të korrikut 2021.
Në reagimin e tij Ristani thotë se gjithashtu janë në pritje të shqyrtimit nga kjo Gjykatë edhe të ndryshimeve statutore të miratuara në 11 dhjetor 2021, të cilat janë në përputhje me Kushtetutën, ligjin dhe statusin e PD.
Sipas Ritansit, e vetmja shkelje nga ana e Gjykatës ështv fakti se kërkesat nuk janë marrë në shqyrtim brenda 30 ditësh, ashtu sikundër e parashikon ligji.
“Vendim mëse normal, duke patur parasysh, se përmbajtja e vendimit të Kuvendit të demokrateve në korrik 2021, ishte sipas Kushtetutvs se Shqipërise dhe sipas procedurave të ligjit për partitë politike dhe procedurave statutore të PD.
Ndërkohe presin radhën, po në këtë Gjykatë, për tu shqyrtuar dhe rregjistruar, edhe ndryshimet e tjera që i janë bërë më pas, statutit të PD, ndryshime të cilat, janë edhe ato në bazë të Kushtetutes, ligjit dhe statutit të PD.
E vetmja gjë që tërheq vëmendjen në këtë rast, është shkelja e ligjit nga Gjykata për mos shqyrtimin e këtyre kërkesave, brenda afatit 30 ditor që kërkon ligji.
S’mund të mos bjerë ne sy dhe ngazëllimi i Bashës qe ta paraqese faktin, si fitore e njeriut që vetëm fiton, pa njohur humbje, si dhe kënaqesia që ndjen, kur sheh se në rregjistrin e partive politike, ai figuron ende kryetar i PD, sipas statutit të korrikut 2021”, shprehet Ristani.
Arben Ristani- Komisioni i Perkohshem i Rithemelimit te PD
