Eurodeputeti Eduard Kukan ka kritikuar të ashtuquajturën platforma shqiptare e partive që i prezantojnë votuesit shqiptarë në parlamentin e Maqedonisë. E cila, sipas Kukan, është platformë e përgatitur nga kryeministri i shtetit fqinjë, Edi Rama, përcjell “Telegrafi Maqedoni”.
Sipas Kukan një platformë e tillë është plotësisht e papranueshme si për të, ashtu edhe për Bashkimin Evropian.
“Shqipëria gjithnjë ka pasur rezultatet të mira në lidhje me bashkëpunimin rajonal dhe ajo vlerësohet, por tani do të ndalem këtu. Aktivitetet e kryeministrit shqiptar pas zgjedhjeve në Maqedoni, për mua janë plotësisht të papranueshme, plotësisht të papranueshme!
Të thirren partitë politike shqiptare nga Maqedoni dhe të debatohet platforma e tyre dhe se çka duhet të bëjnë kur do të kthehen në vendin e tyre, mendoj se vërtetë është e tepruar. Jam i befasuar në atë se askush nuk e përmend publikisht, por e di se do të shkaktojë shumë kritika. Ajo është mënyra në të cilën bëhen punët’, ka theksuar Kukan për korrespondentin e AIM në Bruksel.
Komisioni Evropian dhe Këshilli i Bashkimit Evropian, në mbledhjen e ministrave për punë të jashtme të vendeve anëtare të BE-së, vijojnë të heshtin për të ashtuquajturën platformën shqiptare.
