Italia e futbollit merr një dorë ndihmë nga Autoritetet qeverisëse. Ndeshja Itali-Maqedonia e Veriut, e vlefshme për ndeshjet playoff të Botërorit 2022 në Katar, do të luhet me kapacitet 100% në stadiumin Renzo Barbera të Palermos më 24 mars.
Nënsekretarja për sportin, Valentina Vezzali, në fakt nënshkroi me një vendim ndryshimin e kufizimeve pikërisht për këtë ndeshje ndërkohë që sot gjithashtu Këshilli i Ministrave dha dritën jeshile për kthimin në kapacitet 100% nga 1 prilli për të gjitha ambientet sportive.
Kjo lëvizje do të ndihmojë sigurisht Italinë që synon fillimisht të mposhtë Maqedoninë e Veriut e më pas të luajë finalen ndoshta me Portugalinë.
Ndërkohë që në 100% të kapaciteve do të kthehen edhe në sallat sportive dhe në përgjithësi në ambientet e mbyllura.
Inaugurimi nëse mund ta themi kështu i kësaj mase lehtësuese mund të bëhet me një superndeshje që është kandidate për t’u bërë simboli i një rifillimi të plotë në Serinë A. Ajo në fundjavën e 2 dhe 3 prillit që është në fakt Juventus-Inter, i planifikuar në Allianz Stadium në Torino.
Hyrja në stadium do të bëhet përmes Green Pass por edhe me një tampon negativ që do të paraqesin tifozët.
