Delina Ibrahimaj, ministre e Financave, tha mbrëmjen e sotme në Opinion se çmimet që ndryshojnë nga njëri vend në tjetrin kanë të bëjnë me stoqet e produkteve në treg.
Ibrahimaj u pyet se si shpjegohet që në Shqipëri produket e shportës janë më të larta se Kosova, Maqedonia, Kroacia apo Mali i Zi, ndërsa tha se gjithçka varet nga marzhi i fitimit, tregu, por edhe stoqet, pra sa gjendje të këtyre mallrave ka pasur si rezerva.
“Do të ngremë një bord për të monitoruar çmimet, nga shumica te pikat e pakicës, për të parë nëse ka apo jo abuzime. Janë disa faktorë që ndikojnë, nuk mund të bëhen krahasime të tilla”, tha Ibrahimaj.
