Java e ardhshme do të jetë pushim për kampionatet e futbollit pasi janë kombëtaret që do të grumbullohen. Disa do të luajnë ndeshjet playoff të Botërorit dhe disa ndeshje miqësore. Pikërisht Franca do të ketë dy miqësore më 24 Mars ndaj Bregut të Fildishtë dhe ndaj Afrikës së Jugut.
Për këto ndeshje, Deschamps ka shpallur listën me plot 5 ndryshime nga ajo e herës së fundit dhe ku nuk mungojnë surprizat. E para ka të bëjë me Kurt Zouma, mbrojtësin e West Ham i cili pikërisht për keqtrajtimin ndaj maceve është dënuar dhe nga Deschamps me këtë të fundit që nuk e ka thirrur. Mungon edhe Ousmane Dembele i cili edhe pse po luan tani me Barçën, nuk është preferuar ashtu si mbrojtësi Upamecano. Edhe ky i fundit në vështirësi me Bayern Munchen.
Për herë të parë ndërkohë janë thirrur, Nkunku që po shkëlqen me Leipzig dhe Jonathan Clauss, mbrojtësin e Lens.
Më poshtë dhe lista e plotë e Francës:
Portierë: Areola (West Ham/ANG), Lloris (Tottenham/ANG), Maignan (AC Milan/ITA)
Mbrojtës: Clauss (Lens), Digne (Aston Villa/ANG), L. Hernandez (Bayern Munich/ALL), T. Hernandez (AC Milan/ITA), Kimpembe (PSG), Koundé (Séville FC/ESP), Pavard (Bayern Munich/ALL), Varane (Manchester United/ANG)
Mesfushorë: Guendouzi (OM), Kanté (Chelsea/ANG), Pogba (Manchester United/ANG), Rabiot (Juventus Turin/ITA), Tchouaméni (Monaco)
Sulmues: Ben Yedder (Monaco), Benzema (Real Madrid/ESP), Coman (Bayern Munich/ALL), Diaby (Bayer Leverkusen/ALL), Griezmann (Atlético de Madrid/ESP), Mbappé (PSG), Nkunku (RB Leipzig/ALL).
