Olga Semidyanova u plagos për vdekje gjatë një përleshjeje me zjarr në qytetin afër Donetsk në jug të vendit. Është raportuar gjithashtu se 48 vjeçarja vazhdoi luftimet edhe pasi pjesa më e madhe e njesisë së saj ishte vrarë.
Sipas familjes së Semidyanovas ajo u vra nga një e shtënë në stomak, por trupi i saj ende nuk është gjetur për shkak të luftimeve të vazhdueshme në zonën ku ajo u vra. Me profesion mjekje Semindyanova kishte titullin e nderit ‘Nëna heroinë’ dhe kishte shërbyer në ushtri që nga viti 2014.
48 vjeçarja kishte 6 fëmijë, por kishte birësuar dhe gjashtë fëmijë të tjerë nga një jetimore. Ajo jetonte në qytetin e Marhanets, i cili ishte rreth 150 milje larg nga vendi ku u vra në fillim të këtij muaji.
Homazhet për ‘Nënën heroinë’ u ‘derdhën lumë’ pas lajmit për vdekjen e saj nga udhëheqësit ukrainas. Anton Gerashchenko, një këshilltar i Ministrisë së Brendshme të vendit, i tha medias britanike The Sun: “Ajo u vra në një konfrontim me banditë rusë. Edhe kur besonte se regjimenti i saj mund të mos mbijetonte, ajo e mbrojti vendin deri në fund. Ajo është një heroinë kombëtar. Ajo është një heroinë për mua.’
Por dhe njerëzit e thjeshtë ukrainas gjithashtu kanë filluar të bëjnë nderime në mediat sociale pasi u raportuar lajmi për vdekjen e saj. Marina Ivanchenko tha në Facebook: “Kjo grua ukrainase është me të vërtetë një heroinë”.
Një përdorues tjetër tha: ‘RIP Olga Semidyanova, heroinë e Ukrainës, mbrojtëse e Evropës.’ Përdorues të tjerë e përshkruan atë si një heroinë dhe si një shenjtore.
