Deputeti Edi Paloka, përmes një postimi në rrjetet sociale, ka ironizuar Kryeministrin Edi Rama, mbi kriteret që ai ka për të bërë persona të caktuar ministra apo deputetë.
Paloka, referuar njoftimeve mbi arrestimin e Elsa Lilës, si pjesë e një organizate që merrej me trafikun e drogës, shkruan se tashmë ajo mund të bëhet edhe ministre nga Edi Rama, pasi i plotëson të gjitha kriteret.
“Kur Elsa ishte një këngëtare e famshme dhe e dashur për shqiptarët, Rama nuk e kandidoi për deputete edhe pse ajo në atë kohe u bë pjesë e grevës së urisë në bulevard!
Arsyeja ? Nuk plotësonte kriterin kryesor të Ramës.
Tani Elsa i plotëson të gjitha kriteret për të qenë jo vetëm deputete por dhe anëtare e kabinetit qeveritar me Ramën”, shkruan Paloka.
