“Shtëpitë e barit” duket se po kthehen në një diçka normale në Tiranë, ndërsa gjatë periudhës së fundit policia ka zbuluar disa të tilla.
Së fundmi raportohet se nga Komisariati nr 4 në Tiranë është zbuluar në një apartament në zonën e Qesarakës një “shtëpi bari”.
Policia mësohet se ka arrestuar një 31-vjeçar nga Lushnja. Ky i fundit e kishte marrë me qira banesën në katin e katërt dhe më pas e ka kthyer në ambient për kultivimin e kanabisit.
Madje mësohet se në momentin që policia ka mbërritur në banesë, i riu ka zbritur përmes tubave nga kati i katërt, por më pas u arrestua.
