Kudo në rrjet po qarkullon lajmi se reperi i njohur Don Xhoni ka bërë sherr në një lokal në Bruksel. Në video shfaqej reperi shqiptar i cili i revoltuar është nxjerrë me forcë nga sigurimi.
Reperi i famshëm shkruan se nuk është e vërtetë që është larguar me forcë nga sigurimi pasi nuk është përfshirë në mosmarrëveshje. Reperi shkruan se në fakt menaxheri është munduar ta largojë nga ngjarja pasi disa anëtarë të stafit ishin përfshirë në një mosmarrëveshje.
“Sqarim, sot në portale po qarkullon një video, ku e vërteta është se menaxheri Besart Muqolli dhe organizatori i mbrëmjes më kanë larguar në drejtim të dhomës së artistëve.
Pasi unë kam tentuar t’i qetësoj disa pjesëtarë të stafit tim në një mosmarrëveshje që kishin dhe në atë rast më kanë larguar menaxheri dhe organizatori duke menduar se po hy edhe unë në atë mosmarrëveshje.”, ka shkruar Don Xhoni.
“Në foto/video shihet menaxheri im (i rrumbullakosur në foto) së bashku me organizatorin që më largojnë në drejtim të dhomës që të mos përfshihem fare në atë rast.”, shkruan reperi.
