Ish-Kryeministri Sali Berisha ka zbuluar në një intervistë në Ora Tv se si arriti të përmbysë rezultatin e zgjedhjeve të pjesshme vendore të 6 marsit, pasi logo e PD ishte në kuotat 34 %, ndërsa “Shtëpia e Lirisë” diku te 14 %.
“Logo ka një peshë të madhe në zgjedhje, aq më shumë ajo e PD, për të cilën shqiptarët kanë 32 vite që votojnë. Sondazhet tregonin se logo e PD kishte 34 %, atëherë e vetmja mënyrë që unë të përmbysja këtë rezultat ishte investimi personal i imi.
Unë asnjëherë për zgjedhjeve vendore nuk kam personalizuar fushatën në këtë masë që veprova më 6 mars. U investova tërësisht, në dhjetra takime nisa ti tregon qytetarëve që ata kandidatë për kryebashkiakë janë kandidatët e Sali Berishës. Kjo ishte e vetmja mënyrë që ne të fitonim Shkodrën, ku nuk kishin përballë vetëm socialistët, por fraksionin e PD të Lul Bravës”, tha Berisha.
