Deputeti i Partisë Demokratike, Oerd Bylykbashi i cili është anëtar i Komisionit të Rithemelimit ka komentuar në ABC atë që po ndodh brenda demokratëve.
I pyetur nëse ka negociata mes pjesës së demokratëve që drejtohen nga Lulzim Basha me Komisionin e Rithemelimit që drejtohet nga Sali Berisha për bashkimin e partisë, Bylykbashi e tha se ka “kontakte mes kolegës”, por jo “negociata”.
“Ka kontakte mes kolegësh. Kolegëve ju desh 6 marsi, për të arritur në konkluzion. Nuk ekziston një koncept i tillë negociatash. Nuk negociohet statuti i PD-së” – tha Bylykbashi.
Deputeti që mbështet Berishën tha se është e përcaktuar në statut se si bashkohet partia, që është përmes procesit të votimit.
“Për sa i takon atij që është organi më i madh vendimmarrëse që është Kuvendi që u mblodh më 11 Dhjetor.
Nuk ka një kryetar, por është organi kolegjial që është Komisioni i Rithemelimit që është i përkohshëm, që me Kuvendin e ri Komisioni e humbet funksionin.
Statuti i PD përcakton që demokratët të bashkohen tek kutia e votimit, që është vota e lirë e fshehtë në kutinë e votimit”, – tha Bylykbashi.
