Presidenti i SHBA-së Joe Biden do t’iu bashkohet liderëve të Bashkimit Evropian në samitin e tyre në Bruksel javën e ardhshme, sipas burimeve të Këshillit Evropian.
Liderët e vendeve anëtare do të mblidhen të enjten dhe të premten, më 24 dhe 25 mars, në samitin e tyre të rregullt.
Biden është planifikuar t’u bashkohet atyre të enjten, tha burimi. Një ditë më parë, të mërkurën më 23 mars, Biden është planifikuar të merr pjesë edhe në një samit të jashtëzakonshëm të vendeve anëtare të NATO-s në Bruksel.
