Një automjet është përfshirë nga flakët në zonën e “Astirit” në Tiranë këtë të Martë. Nuk raportohet për të lënduar.
“Në Unazë të Re, në rrugën ‘Teodor Keko’, ka marrë flakë dhe është djegur plotësisht, mjeti i parkuar në pronësi të shtetasit E.B. Paraprakisht dyshohet se zjarri ka rënë si pasojë e një defekti në mjet”, njoftoi policia.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit, shtuan të njëjtat burime.
