Pasqyra politike në krizë ditën e fundit në Shqipëri ka zënë vend edhe në shtypin grek.
Mësohet se gazeta greke “Kathimerini” ka bërë një analizë të gjendjes politike në Shqipëri ku sipas saj gjendja është e rënduar dhe shkak për këtë është bërë moskapja e Klement Balilit.
Gazeta greke shkruan se kërkesa e autoriteteve greke drejtuar policisë shqiptare për arrestimin e Balilit ka shkaktuar krizën politike në vendin tonë.
“Zhvillimet e fundit politike në Shqipëri u ndezën pas një interviste të ministrit të Drejtësisë Ylli Manjani. Për këtë debat, u shkarkua nga qeveria. Për të njëjtin rast, Presidenti i vendit fqinj do të mbledhë nesër Këshillin e Sigurisë Kombëtare”, citon artikulli në Kathimerini.
Kelmend Balili është shpallur në kërkim nga autoritetet greke pasi konsiderohet si drejtuesi i një organizate kriminale që trafikonte drogë nga Shqipëria, në Greqi e më pas drejt vendeve të Evropës Qëndrore