Piloti britanik Lewis Hamilton, 7 herë kampion bote në Formula 1, do të ndryshojë emrin në prag të sezonit të ri. Ai ka vendosur t’i shtojë emrit aktual Lewis Hamilton edhe mbiemrin e nënës së tij, Larbalesteir. Ky ndryshim do të jetë zyrtar dhe do të aplikohet që në garën e parë.
Pra, piloti britanik i Mercedes tashmë do të quhet Lewis Larbalestier Hamilton. “Mbiemri i nënës time Carmen është Larbalestier dhe kam vendosur t’a shtoj tek emri im aktual”, u shpreh piloti britanik gjatë “Expo” në Dubai.
“Nuk e kam kuptuar asnjëherë se përse njerëzit lënë mbiemrin e tyre pasi martohen, ndaj dëshiroj që në të ardhmen të shfaqet edhe emri i nënës time. Ai do të jetë një emër i mesëm”, u shpreh piloti britanik.
Prindërit e Lewis Hamilton janë divorcuar që kur ai ishte 12 vjeç.
