Teksa në orën 11:00 pritet të zhvillohet protesta e radhës kundër rritjes së çmimit të naftës, kryeministria është blinduar me veshje metalike.
Ndërkohë, këtë mëngjes në kryeministri është parë duke u futur edhe zv. kyeministri Arben Ahmetaj.
Kujtojmë se sot në Tiranë do të zhvillohet protesta e katërt kundër rritjes së çmimit të naftës.
Përgjatë këtyre ditëve Shqipëria është ngritur në protestë duke kundërshtuar rritjet e çmimeve dhe duke kërkuar ndërhyrjen e qeverisë.
Në shumë qytete janë bllokuar rrugët në shenjë revolte, ndërsa ka pasur edhe përplasje me policinë dhe shoqërime të shumta.
