Një prej studentëve, që iu bashkua protestës qytetare që po zhvillohet para Kryeministrisë, i ka bërë thirrje shqiptarëve që të mos mashtrohen nga Edi Rama, të cilin e quajti një mashtrues kronik.
“O mashtrues dhe hajdut kronik mos thuaj se ne jemi hajdutat. Nuk jemi ne hajdutat, ti je hajduti.
Mos u mashtroni nga lajmet që bën me oligarkët me të cilët është i zhytur në pisllëk. Sot mund të ulë çmimin por nesër mund ta ngrejë sërish.
Kështu që vetëm kur të heqë TVSH-në mund të përfundojë kjo. Ju bëj thirrje policëve mos të na arrestojnë se ne jemi bijtë tuaj. Sepse nesër Rama nuk do dijë nga t’ja mbajë nga revolta popullore. Nesër në orën 11:00 merrni vëllezërit dhe bijtë tuaj dhe le t’i tregojmë Edi Ramës se çfarë fuqie ka populli shqiptar”, tha studenti.
