Grida Duma tha se nuk e shikon Sali Berishën si liderin e ri të një Partie Demokratike të riorganizuar. Në emisionin “Opinion”, Duma tha se duhet një bashkim i demokratëve, një riorganizim të partisë, e cila nis me dorëheqjen e Lulzim Bashës.
“Na duhet të krijojmë një bord drejtimi, që duhet të marrë kompetencat e Kryetarit. Ky bord drejtimi duhet të ketë në përbërje qoftë ata që iu bashkuan Foltores, qoftë të tjerë që mbetën në siglën e PD. Mendoj se bordi duhet të ketë një mandat 4-5 mujor dhe më pas të kalohet në zgjedhjen e një lideri të ri”, tha Duma.
Ajo tha se ka ardhur koha që në statutin e PD duhet të sanksionohet që po humbe një palë zgjedhje duhet të largohet Kryetari.
“Basha duhet të bëjë hapa pas, duhet të tregojë mirënjohjen për shansin që i kemi dhënë”, tha Duma.
