Deputetja demokrate Grida Duma tha se Lulzim Basha me 6 mars humbi shansin, ndaj dhe unë sot po i kërkoj dorëheqjen. Në emisionin “Opinion”, Duma tha se deri në 9 shtator ish-Kryeministri Sali Berisha dhe Lulzim Basha ishin të shkrirë njëri me tjetrin dhe ne të gjithë e kishim pranuar një situatë të tillë.
Lidhur me zgjedhjet e 6 marsit, Duma tha se nuk kishte ndonjë pritshmëri, pasi në takimet që ka pasur ka ndjerë njv fushatë të vakët.
Duma tha se PD duhet të futet në një proces zgjedhor, pas dorëheqjes së Lulzim Bashës.
“Na duhet të kemi një PD, një bashkim të të gjithë emrave që kanë kontribute dhe lidhje me demokratët dhe opozitarizmin. Ne duhet të sigurojmë votën e lirë në PD, deri më tani kemi pasur influencime të votës, ndaj dhe mendoj se ne duhet ti largohemi praktikave të tilla”, tha Duma.
Ajo tha se pret një minimum njerëzor nga Lulzim Basha për tu dorëhequr. “Nëse na kërkohet të bëjmë një provë 1 vjeçare me Lulzim Bashën, atëherë kjo i bie që ne të presim të ndodhë, ajo që do të ndodhë”, tha Duma.
